Fantastiske damer!

Eg stod i dusjen og tenkte i dag tidlig.

Eg brukar ofte å tenke litt når eg står der

og ventar på at balsamen skal gjere underverk med kråkereiret.

I dag tenkte eg på kvinner og kvinner si rolle gjennom åra.

I dag fekk eg nemleg lov å vere med på 

julelunsjen til Tabitha.

Tabitha er ei av kvinneforeningane her.

Mange, fantastiske damer

som gjer det mulig å drive sjømannskyrkja her.

Det er snakk om at dei samlar inn tusenvis av kroner

som gjer det mulig å drive det arbeidet vi gjer.

Det er innsatsen frå desse damene
som gjer at nordmenn med heimlengsel

har ein heim heimanfrå å komme til her i San Francisco.

Og eg trur det er slike kvinneforeningar over heile verda.

Kvinner som trur på noko og som gjer noko for å virkeliggjere det.

Eg beundrar desse kvinnene.

Eg ynskjer å vere som desse kvinnene!

Det var litt dette eg tenkte på i dag tidlig.

Kor viktig drivkraft kvinner som står sammen om ei sak er.

Kor imponerande innsats
kvinner som har levd før meg har gjort.

Eg kjenner eg gleder meg til å bli godt kjent med

desse fantastiske damene i Tabitha!

Så eg hadde lyst å sette litt fokus på dei.

Og kjære medsøstre,
kanskje skal vi lære litt av desse kvinnen.

Kanskje skal vi drite i magen til Fotballfrue

og heller samle oss og stå sammen om saker som betyr noko.
For når kvinner står sammen om noko
så skjer det store ting! :)